Pagpapaginhawa ng Pananakit ng Likod

Yelo

Nababawasan ng yelo ang pananakit at pamamaga ng kalamnan. Lalo nang nakakatulong ito habang nasa unang 24 hanggang 48 oras pagkatapos ng pinsala.

• Ibalot ang isang pakete ng yelo o isang bag ng nagyeyelong gisantes sa isang manipis na tuwalya. Huwag na huwag ilalagay nang direkta ang yelo sa iyong balat.

• Ilagay ang yelo sa bahaging pinakamasakit sa iyong likod.

• Huwag lagyan ng yelo nang mahigit sa 20 minuto nang minsanan.

• Maaari kang gumamit ng yelo nang ilang beses sa isang araw.

Mga Gamot

Kabilang sa mga pampaginhawa ng pananakit na nabibili nang walang reseta ang acetaminophen at mga gamot na pantanggal ng pamamaga. Kabilang sa mga ito ang aspirin, naproxen, at ibuprofen. Maaaring makatulong ang mga ito na maibsan ang kawalan ng ginhawa. Nakakabawas din ng pamamaga ang ilan.

• Sabihin as tagapangalaga ng iyong kalusugan ang tungkol sa anumang gamot na iniinom mo na.

• Uminom lamang ng mga gamot ayon sa iniutos.

• Huwag kailanman magbigay ng aspirin sa mga bata o tinedyer nang hindi muna nakikipag-usap sa tagapangalaga ng kalusugan ng iyong anak.

Pamipulasyon at masahe

Maaaring makatulong ang pagkakaroon ng manipulasyon ng gulugod ng isang osteopathic na doktor o chiropractor. Maaari ding makatulong ang pagpapamasahe o acupuncture. Maaaring mag-set up ang physical therapy ng isang programa ng ehersisyo na gumagana upang mabawasan ang iyong pananakit. Nakatutulong din ito na maiwasan ang karagdagang pinsala.

Init

Pagkatapos ng unang 48 oras, mare-relaks ng init ang masakit na kalamnan at mapapabuti ang pagdaloy ng dugo.

• Subukan ang mainit-init na paligo o shower. O gumamit ng pinainit na higaan na naka-set sa mababa. Upang maiwasan ang pagkapaso, lagyan ng tela sa pagitan mo at ng pinainit na higaan.

• Huwag gumamit ng heating pad nang mahigit sa 15 minuto nang minsanan. Huwag kailanman matutulog sa isang pinainit na higaan. Maaari itong magdulot ng mga paso kung mayroon kang diabetes o iba pang kondisyon na nakaaapekto sa kung gaano kahusay mong nararamdaman ang init.