Ano ang Arthritis?

Ano ang nagdudulot ng arthritis?

Ang cartilage ay isang makinis na substansya na pumuprotekta sa mga dulo ng iyong mga buto at nagsisilbing unan (cushioning). Kapag mayroon kang arthritis, nasisira ang cartilage na ito at hindi na maprotektahan ang iyong mga buto. Maaari itong mangyari mula sa isang sakit na autoimmune. O maaari itong mangyari mula sa pagkaubos at pagkasira, mga impeksiyon, o pinsala. Nagkikiskisan ang mga buto, na nagdudulot ng kirot at pamamaga. Sa paglipas ng panahon, maaaring magkaroon ng maliliit na piraso ng magaspang o durog na buto (bone spurs). Maaaring maging limitado ang lawak ng paggalaw ng kasukasuan.

Malusog na kasukasuan ng tuhod.

Kasukasuan ng tuhod na may arthritis.

Mga sintomas

Kabilang sa ilan sa mas karaniwang mga sintomas ng arthritis ang:

• Pananakit ng kasukasuan at paninigas. Mas lumulubha ang mga sintomas na ito sa mahabang panahon ng pamamahinga. Maaari ding lumubha ang mga ito mula sa paggamit ng kasukasuan nang napakatagal o masyadong mahirap.

• Pagkawala ng normal na hugis at paggalaw. Maaaring namamaga ang hitsura ng mga kasukasuan at mahirap igalaw.

• Masakit at namamagang mga kasukasuan. Maaaring mapula ang hitsura ng mga ito at mainit ang pakiramdam.

• Ingay na nadudurog o pumuputok. Nangyayari ito sa paggalaw ng kasukasuan.

• Matinding pagkapagod (pagkahapo). Maaari kang makaramdam ng pagkapagod sa lahat ng oras.

Pagbabawas ng mga sintomas

Makakatulong ka na mabawasan ang mga sintomas sa mga paraang ito:

• Pagbabawas ng timbang

• Regular na pag-eehersisyo

• Pagpapalakas ng mga kalamnan sa paligid ng kasukasuan upang mabawasan ang puwersa sa kasukasuan

• Paggamit ng mainit at malamig na mga pakete sa iyong mga kasukasuan

• Paggamit ng mga gamot na walang reseta o may reseta

Makipagusap sa iyong tagapangalaga ng kalusugan tungkol sa pinakamahuhusay na mga paggamot para sa iyong kondisyon.