Pananakit ng Ulo Dulot ng Tensyon

Siguruhin na ang lugar ng iyong trabaho ay maayos na naka-set up upang tulungan kang iwasan ang pagkapagod ng leeg at mga mata.

Siguruhin na ang iyong resetang salamin sa mata ay bago at angkop para sa trabahong ginagawa mo.

Matuto ng mga paraan para sa pagre-relaks at pagbabawas ng emosyonal na stress. Kabilang dito ang paghinga ng malalim, patuloy na pagre-relaks, yoga, meditasyon, at biofeedback.

Panatilihin ang regular na pag-eehersisyo sa ilalim ng paggabay ng isang doktor. Maaari itong makatulong na panatilihing nababanat, matatag at naka-relaks ang iyong leeg at likod.

Gumamit ng mamasa-masang init upang irelaks ang mga kalamnan. Magbabad sa mainit na paligo o balutin ng mainit-init at mamasa-masang tuwalya ang iyong leeg.

Kuskusin ang iyong anit nang magaan gamit ang malambot na hairbrush.

Magpamasahe. Masahihin ang mga kalamnan mula sa iyong balikat pataas sa likod ng iyong ulo.

Gumamit ng pakete ng yelo. Ilapat ito nang direkta sa bahagi kung saan ka nakakaramdam ng pananakit.

Magpahinga. Makakatulong ang madalas na pagtulog na maibsan ang pananakit ng ulo.

Uminom ng maraming likido. Ang dehydration ay isa pang sanhi ng mga pananakit ng ulo. Huwag uminom ng alak dahil palulubhain nito ang dehydration.

Gumamit ng gamot sa pananakit nang katamtaman para sa bahagya hanggang matinding pananakit. 

Makakatulong ang pagmasahe sa mga kalamnan ng iyong leeg na mabawasan ang pananakit ng ulo dahil sa tensyon.